Тегін ыстық тамақпен қамтамасыз ету - І тоқсан қорытындысы
Іле аудандық білім бөліміне қарасты №40 орта мектебінде 2023-2024 оқу жылында заңнамаға сәйкес тегін және жеңілдікпен ыстық тамақпен Қыркүйек айы бойынша тегін ыстық тамақпен қамтылған оқушылар саны-1051 болса,қазан айы бойынша ыстық тамақпен қамтылған оқушы саны-1056 оқушы қамтылды. Қазақстан Республикасы Үкіметінің 2008 жылғы 25 қаңтардағы №64 қаулысымен бекітілген қағидасының 4-тармағына сәйкес, «Отбасы және балалар саласында көрсетілетін мемлекеттік қызметтер стандарттарын бекіту туралы» Қазақстан Республикасы Білім және ғылым министрінің 2015 жылғы 13 сәуірдегі №198 бұйрығымен бекітілген 5-қосымшаға сәйкес "Жалпы білім беретін мектептердегі білім алушылар мен тәрбиеленушілердің жекелеген санаттарын тегін және жеңілдікпен тамақтандыруды ұсыну" мемлекеттік көрсетілетін қызмет стандартын басшылыққа алып, ата-аналардың (заңды өкілдердің) өтініші негізінде бюджеттен ай сайын тамақтандыру қамтамасыз етілуде.
Қамқоршылық кеңес, ата-аналар комитеті,медбике,әлеуметтік педагог және басқада әкімшілік мүшелері тарапынан мектеп асханасының талаптарға сай жұмыстарының жүргізілуін бақылау қолға алынған. Сонымен қатар жалпыға бірдей міндетті білім беру қорынан және бюджет есебінен тамақтанатын оқушылардың асханаға барып тамақтануының күнделікті есебі де жүргізіліп отырады. Мектеп базасындағы бастауыш сынып-868 оқушы ыстық тамақпен қамтылса, қазан айында 869 оқушы санын құрады.5-11 сынып аралығында тегін ыстық тамақпен қамтылған әлеуметтік мәртебеге ие отбасыдан шыққан оқушылар саны қыркүйек айында 183 оқушы болса, қазан айы бойынша 187 оқушы санын құрайды.
Жыл сайын мемлекет тарапынан қолдау, көмек көрсетумен бірге бірқатар өзгерістер мен толықтырулар жасалуда және бұл өзгерістер оң нәтижесін беруде!