"ЖЕТІСУ ЖҰЛДЫЗДАРЫ " байқауынан аудандықтан облысқа өтіп, облыстық кезеңнен бас жүлдеге ие болып, 100000 теңге ақшалай марапатқа ие болған Рахмет Райымбек пен 1-орын мен 70000 теңге марапатты иеленген Құдайберген Аяжанды жеңістерімен құттықтаймыз 👏👏 Мектеп, аудан намысын қолдан бермеген өнерпаздарымыздың өнері өрге жүзсін

Мектебімізде 25.05 күні "Түлек 2022 - Жаңа Қазақстанның ертеңі" атты 2021-2022 оқу жылының соңғы қоңырау салтанатты жиыны болып өтті. Түлектеріміздің "Соңғы мектеп вальсі", жүрекжарды тілектері, болашаққа деген үлкен үмітін көгершіндерді ұшырумен сипаттаған сәттері және Соңғы қоңырау үні мәңгі жадында сақталары сөзсіз! Оқу жылының сәтті аяқталуы баршамызға құтты болсын, жас түлектерге сәт-сапар тілейміз.

№40 орта мектепте 23.05 күні Үздік және Дарынды оқушыларға арналған «Жарқыраған жарық жұлдыздар» атты шеру болып өтті. Мектебіміздің аудан, облыс, республика деңгейіндегі "Зерде", "Дарын", пәндік олимпиада жеңімпаздары жетекшілерімен бірге марапатталды. Оқушылар мен ұстаздар өз жетістіктері үшін мақтанып-марқайып қайтты.

Сүйінші, керемет жаңалық‼️‼️‼️Мектебіміздің 9 сынып оқушысы Медетақын Марғұлан Павлодар облысы, Екібастұз қаласында өткен II Республикалық "Мәшһүр Жүсіп оқулары" байқауынан 2-орынға ие болды. Мектебіміздің, ауданымыздың, облыс мәртебесін көтерген Марғұланымыздың жеңісі құтты болсын! Осындай дарынды оқушы дайындаған қазақ тілі мұғалімі Әуренбаева Торғын Төлегенқызының еңбегі ерен! Құтты болсын

Мектебіміздің өнерпаз оқушылары аудандық "Жетісу жұлдыздары" байқауында Бекет Аяулым күй номинациясы бойынша бас жүлде,Құдайберген Аяжан эстрадалық вокал номинациясы бойынша бас жүлде, Сулейменова Эльдана күй номинациясы бойынша 1 орын, Рахман Райымбек дәстүрлі ән номинациясы бойынша 1-орын, Әбілғазы Назерке күй номинациясы бойынша 3-орын алды, құттықтаймыз. Бас жүлде, 1-орын алған өнерпаздар облыстық кезеңге жолдама алды, сәттілік тілейміз.

Мектебіміздің 5 "Б " сынып оқушысы Сәрсенбаев Дамир тейквандо спорттық жарысы бойынша облыстық турнирден 1-орынды иеленді, құттықтаймыз! Осындай спортшы, дарынды оқушыларымыз көп болсын.

Аудандық Төлеген Айбергенов оқуларына сурет номинациясы бойынша қатысып, жүлделі 3-орынға ие болған 8 сынып оқушысы Сулайманова Сабинаны құттықтаймыз.Жетекші: Тундебаева Н. Қ.

Аудандық "Әбіш оқулары-2022" байқауынан ән номинациясы бойынша 2 орын алған 5 "В" сынып оқушысы Құдайберген Аяжанды құттықтаймыз.

Құрметті достар, назарларыңызға "Magynaly tik-tok" жобасының ең үздік жұмыстарын ұсынамыз. Олар: 10 "Ә", 9 "В", 8 "В" сыныптары, жарайсыздар

Аудандық Мұқағали оқуларынан "Айтып өткен ақында арман бар ма? " номинациясы бойынша 2-орын алған 8 Г сынып оқушысы Ыстыбаев Елдидар мен қазақ тілі мен әдебиеті пәнінің мұғалімі Малибаева Самал ұстазды құттықтаймыз. Шығармашылықтарыңыз шыңдала берсін