Жолдау халықты алға жетелейтіні анық

Ел асыға күткен дәстүрлі Жолдау да барша халыққа ұсынылды. Ел Президенті әділетті Қазақстанды қалыптастыруға барлық отандастарымызды шақырды. Елдің мызғымас кілті - бірлікте екенін баса айтты. Бірлікті елді еңбексүйгіштікке шақырды. Ел дамуының басымдықтарының бірі - әлеуметтік салада жүргізілетін реформалар көптің көңілінен шықты. Білім беру саласына қатысты айтылған мәселелер оңды шешімін табады деп ойлаймыз. Үш ауысымдық мектептерді болдырмау мақсатында жаңа білім беру ұйымдары салынатыны айтылды. Осы салада мектепке дейінгі білім беру ұйымдарындағы қызметкерлердің жалақысы көтеріліп, олардың статусын көтеру де сөз болды. Барлық өңірлерді балабақша мәселесі оңды шешілетіні көпті қуантты. Медицина саласы, соның ішінде ауылдық өңірлерді заман талабына сай жабдықтап, халыққа медициналық көмек көрсетілетіне халыққа жағымды жаңалық болды.Жастарға да айтылған жағымды жаңалықтар болды. Кәсіпкерлікпен айналысамын деуші жастарға мемлекет тарапынан қолдау болады. Елдің келешегі- жастар екенін мемлекет басшы ерекше атап өтті.
Сонымен қатар еліміздегі мемлекеттік қызмет, сот жүйесінде де өзгерістер болатынын атап өтті.
Бүгінгі Жолдауда келелі мәселелер көтерілді. Елдің дамуына бағытталған бұл Жолдау халықты алға жетелейтіні анық. Әділетті Қазақстанның өркендеуіне үлес қосу - әрқайсымыздың азаматтық парызымыз деп санаймыз.