Ашық талқылау алаңы

Мектебімізде жаңа жобаның тұсауын кестік. "Ашық талқылау алаңы " атты жоба өз жұмысын бастады. 11-сыныптар арасында айына 2 рет өзекті тақырыптар төңірегінде қызу пікірталас өтетін болады. Мектеп басшысының ұсынысымен басталған бұл бастама оқушылар көңілінен шықты. Ашық талқылау алаңының бірінші тақырыбы мамандық таңдаумен байланысты өтті. Тақырып аясында білім алушылар ойларын еркін білдіріп, ұйымдастырылған жағдаяттар мен тренингілерге ерекше белсенділік көрсетті. Қатысушы қонақтарымыз да бастамаға жылы лебіздерін білдіріп, жобаның сәтті шыққанына өз ойларын айтты. Мектеп бітіргелі отырған түлектеріміз бұл шараның өздеріне ең қажетті екенін сезініп, келешекте талқылау алаңында қозғалатын тақырыптарға ұсыныс білдірді. Сәтті шыққан әдістер: "Құпия жәшік", "Сен туралы сыныптасыңның пікірі" болды. Сонымен қатар психологиялық тренингі де оқушыларға ерекше ой салды. Тәрбиелік маңызы бар бұндай шаралар мектебімізде келешекте де жалғасын таппақ.