“Мектептегі әлеуметтік-педагогикалық жұмысты тиімді ұйымдастырудың тетіктері”

4 қазан күні Алматы облысы, Іле аудандары білім беру ұйымдарының әлеуметтік педагогтеріне арналған “Мектептегі әлеуметтік-педагогикалық жұмысты тиімді ұйымдастырудың тетіктері” атты аудандық семинары ұйымдастырылды. Семинар N40 орта мектеп базасында ұйымдастырылды.Семинар мақсаты: Мектептегі әлеуметтік-педагогикалық жұмысты жоспарлау мен ұйымдастырудың тиімді әдістері мен тетіктері негізінде тәжірибе алмасу, әлеуметтік педагогтарға әдістемелік көмек беру.
Семинар барысында әлеуметтік педагогтерге әдістемелік көмек көрсетіліп, өз тәжірибелерімен бөлісті. Әлеуметтік педагогтер нормативтік құжаттар және іс-қағаздармен танысып, тәжірибелерін шыңдады. Семинар барысында мектеп директоры Ижанова Г.Б. семинарға қатысушыларға алғы сөз айтып, аудандық білім бөлімінің әдіскері З. Бақытжанқызы семинарды қорытындылады. Сонымен қатар Іле ауданының бірқатар әлеуметтік педагогтері өскелең ұрпаққа білім берудегі жетістіктері үшін білім бөлімінің алғыс хаттарымен марапатталды.