Әрбір бала-бір жұлдыз

Әрбір бала-бір жұлдыз

Наурыз айының басында Іле ауданы, Боралдай кенті, №40 орта мектебінде инклюзивті білім алатын және үйден оқитын оқушылар арасында «Әрбір бала-бір жұлдыз» атты іс-шара өткізілді.

Іс-шараның мақсаты инклюзивті білім алатын, үйден оқитын оқушыларды өз қатарластарымен етене араластырып, сынып, мектеп өміріне және іс-шараларға белсенді қатыстыру. Оқушылардың адами қасиеттерін дамыту, жеке тұлға ретінде дамыту, достыққа, сүйіспеншілікке тәрбиелеу, бала бойындағы ерекше қабілеттерін ашу болды.

Үйден оқитын оқушылар сыныптастарымен бірге сабақ оқып, мектеп ішіне саяхат жасады, кітапхана, асхана, спорт зал, коворкинг орталықтарында бірге болды. Бұдан кейін оқушылар тобымен мектептің акт залында өткізілетін «Әрбір бала-бір жұлдыз» атты іс-шараны тамашалауға келді. Іс-шараны мектеп директоры Г.Б.Ижанова ашып, ата-анасының жанында шат-шадыман күлкімен уақытын өткізетін өмірдің қайталанбас сағынышқа толы кезеңі – бақытты балалық шағы екендігін айтып балаларға жылы лебізін білдірді.

«Бұлақ көрсең-көзін аш» дегендей іс-шара барысында инклюзивті білім алатын оқушылар бірі ән салса, бірі билеп, аспаптарда ойнап, бейнелеу өнері жанрлары бойынша өз өнерлерін көрсетті.

Іс-шара соңында балаларға сыйлықтар тарту етілді.

Мектеп директорының оқу- ісі жөніндегі орынбасары Сауле Нұрмұханбетовна оқушыларға ізгі тілектерін айтып, өз ықыласын білдірді.

Бұл іс-шара балалардың көңілін сергітіп, өмірге, өнерге деген құштарлықтарын арттырды. Осындай игі істер жылда мектебімізде өткізіліп, дәстүрге айналуда.

№40 орта мектептің дефектолог, логопед мұғалімі М.Жарылқасынова

Әрбір бала-бір жұлдыз іс-шарасынан көрініс